Зүрх минь эзэнтэй битгий тогш залуу минь Зүйрлэшгүй сайхан залууд хайраа хэдийнэ алчихсан юм Зүйдэлгүй хөх огторгуйн түмэн бодлоор итгэлээ бөхлөөд Зөвхөн түүний л энгэрт наран болоод мандчихсан юм
Сэтгэлд минь хайрын гал хэдийнээ авалцчихсан юм Сүүдэр болж түүнийг минь битгий халхал Сүү шиг ариухан болоод эмзэгхэн цэцэгсийн цоморлиг Сайхан түүний л өмнө анхны бас сүүлчийн удаа нээгдчихсан юм
Хайр минь мөнхийн зүүдээр хучигдчихсан юм Хүнийх болсон сэтгэлд жаргал шивнээд буц Хариу болгон чамд сайн сайхныг ерөөнө Хагацалд идэгдэхгүй мөнхийн хайр чамайг тооно
Зүрх минь эзэнтэй битгий тогш залуу минь
| 
